الاهلي بيعود للمسابقه المفضله بعد التوقف بسبب المباريات الدوليه ..
الاهلي بيبدأ اللقاء باحمد عادل .. ربيعه والحاجز .. هاني وحسين السيد .. احمد فتحي حسام غالي ... السعيد مؤمن رمضان ... تحت مهاجم وحيد عمرو جمال ...
المباراة بتنقسم لشوطين في كل شيء ... وقت واداء .... الشوط الاول بييستكمل الاهلي مشوار التالق مع مارتن يول ... التزام بالمراكز ... تنوع في الاداء ... هجمات بكل الوسائل ومن كل الاتجاهات .... وكانت النتيجه اربع اهداف باشكال مختلفه وضربه جزاء ضيعها عبدالله السعيد .
مرتدات بتنفذ بكل سلاسه وبعدد قليل من التمريرات بنصل لنرمي المنافس ... اول لقطه نسمع اسم احمد عادل كانت في هدف الشرطه الاول.
الصوره لهجمه مرتده علينا .. الكوره بعد منتصف الملعب ... بنشوف مؤمن بيقوم بالتغطيه الدفاعيه وبيساعد محمد هاني علشان ينفذو الضغط الثنائي علي حامل الكره مما يجعل مروره امر شبه مستحيل ان لم يكن ميسي او نيمار ...
علي الجهه المقابه من الملعب بنشوف حسين السيد بيتشبث بالفرصه ودا بيصب في مصلحه الفريق علشان يبقي عندنا 2 باك شمال قادرين علي اللعب في المواجهات الكبري..
في الشوط الثاني بتنزل فرقه تانيه غير بتاع الشوط الاول .. فرقه مجهده ومش مركزه وغايب عنها اي فكر في الاداء ... علشان كده اتلسعنا جونين ورا بعض قربو النتيجه و الماتش كان ممكن يضيع ...
الا ان رمضان صبحي وعبقريته وكفائته كان اد المسئوليه ...مثلما كان اد المسئوليه في ماتشين نيجيريا رغم صغر سنه .. رمضان رجعلنا الماتش وريحنا ...
الكل في الشوط التاني كان بره الفورمه بما فيهم الكابيتانو ودا مبيحصلش كتير ... وغلطه الشاطر بالف ... خطا غالي في التمرير كان السبب في الهدف الثالث للشرطه ...
للمباراه التانيه علي التوالي بتشوف فتحي بيسجل اهداف من التسديدات علي المرمي ... ودا بيوضح الميزه لاشراك فتحي في المنتصف .. ودا كمان بيدي فرصه لمحمد هاني في اللعب الاساسي ... محمد هاني ليه مستقبل كبير .... لكن يبقي عاشور هو ايقونه وسط ملعب الاهلي الدفاعي بقدرته علي استخلاص الكره وغلق منطقه منتصف الملعب بالتحرك العرضي ..،
استعجال عمرو جمال لتسجيله الاهداف خرجه بره الماتش ... متستعجلش يا عمرو الاهداف جيه جيه ...
رمضان صبحي ... مفيش كلام اقدر اقوله ...
بكده بنوصل للتقطه 50 علي قمه المسابقه ...
ولا عزاء للحاقدين ...
بقلم
د/محمد انور
0 التعليقات:
إرسال تعليق