بأقل مجهود الأهلي بتعادل الأهلي مع يانج افريكانز في عقر داره
الاهلي بيبدأ اللقاء باكرامي ... ربيعه والحاجز
... ايوه الحاجز ... هاني و صبري .... احمد فتخي غالي
... السعيد مؤمن رمضان تحت مهاجم وحيد الغزال عمرو جمال ...
الماتش في خلاصته كان عبارة عن تمرينة خفيفه للاعبي
الاهلي ... كتير من اللاعبين أعتقد مكملوش 6 او 7 كيلو جري في الماتش ... علي رأس اللاعيبة
دي حسام غالي ... حسام روحه القيادية وقتاله في الملعب كان غايب ودا مش بسبب تقصير
منه ... التراجع الدفاعي للمنافس اخلي غالي من المهام الدفاعية بالاضافة ان فتحي شايل
الليله ... زي الصورة حسام غالي معظم الوقت فاضي فبيصنع كثافه دفاعيه في الملعب وبيشكل
خط الضغط الثاني علي حامل الكرة .. وفي الهجوم بيشكل جنب السعيد احد رؤوس المثلثات
والمربعات الهجومية ...
مارتن يول اثره بان علي بعض اللاعبين اهمهم احمد
فتحي ... عاد لمستواه ..، وظفه بشكل أفضل في منتصف الملعب والأهم انو مبقاش يعمل فاولات
كتير .. تخيل بقي يا أهلاوي حسام عاشور وفتحي جنب بعض في ماتش أنت محتاح تدافع فيه ...
الاجهاد ايضا ظهر علي لاعيبه زي رمضان ... رمضان
انت لو احترفت ممكن تلعب ماتش كل 3 ايام وكده ميمشيش معاهم ...
مؤمن يا حراق ... 3 كوبري في دقيقتين يا مفتري ...
الحاجز ... ولا يهمك انت لعيب كبير ومحترف وقدرت
تتجاوز الوضع سريعا ...
اهم ما استوقفني في المباراة هو المناظر الي اخدها
المخرج للملعب من بره وللمنطقه المحيطة بيه ... فكر كويس كانك مصري بتحب بلدك هتكتشف
ان دول افريقيا الي كانو في مجاعات من سنوات قليله معدل النمو الاقتصادي تجاوزنا بمراحل
وبقت المدن عندهم انظف من عندنا .. الحقيقة اننا مش افضل بلد في افريقيا ولا ام الدنيا
الحقيقه هي اننا في زيل الامم حتي دول افريقيا
بقلم
د. محمد انور
0 التعليقات:
إرسال تعليق