 |
| رامى صبرى يضايق لاعبى الاهلى |
بتكتمل أركان المؤامرة الكونية وبتتفق مع الدواعي الأمنية في تحقيق هدفها بأن الأهلي يكون علي قمة الدوري
الأهلي بيبدأ باكرامي ... ربيعة والحاجز .. صبري فتحي ... عاشور غالي ... السعيد مؤمن رمضان تحت عمرو جمال ...
شوط أول متوسط المستوي ... بيعود فتحي لليمين نظرا لغياب محمد هاني للايقاف ... وجود فتحي زاد من الصلابة الدفاعية وقفل الطريق علي ناصف ومنعه من بناء الهجمات ... كذلك عودة عاشور لوسط الملعب الدفاعي منع بناء الهجمات ايضا ... بالاضافه لوجود قلب الاسد ربيعة بجوار الحاجز ...
أحمد حجازي يوم بعد يوم بيثبت انو مدافع من طراز خاص ... في مقوله بيثبتها حجازي بتقول ان المدافعين اصحاب الرقم 5 هم الافضل ... حجازي في بدايته مع الاهلي كان باين عليه اثار فترة طويله مبيلعيش ... الاهبي رجعه للملعب واتعمل عليه شغل كويس وصلته ان في اقل من موسم بيصبح افضل مدافعي مصر حاليا بجدارة ... الحاجز منع وصول اي كوره عرضية للخصم في وجوده ولم يتهدد مرمي اكرامي الا قليل .
رمضان صبحي فخر الصناعة الاهلويه .. أفضل ما انتجت منظومة الناشئين في الاهلي في السنوات الأخيرة ... احد مفاتيح المكسب في المبارات الاخيرة للاهلي وللمنتخب ... رمضان في ايده فرصة يكون من الافضل في تاريخ الاهلي كله ... امسك اعصابك ومتنساقش ورا استفزازات اللعيبة ...
طرد رمضان وان كان مستحق الا ان الحكم تغاضي عن طرد رامي صبري في اكثر من مناسبة...
شوط كامل بعشر لعيبة ادام انبي كان اختبار كويس جدا ... الاهلي لم يهتز نهائيا ... بالعكس كان افضل في اوقات كتير .. وقدر يصنع هجمات ومرتدات اكتر ...
خروج عمرو جمال من المنطقه واقترابه من منتصف الملعب كان بيشكل محطه لزمايله وساعد في كتير من الهجمات..
مالك ايفونا وانطلاقاته كان ممكن يسجل الا انو من الواضح انه نفسيا مش جاهز ولابد من علاج المشاكل معاه علشان منخسروش ...
عالجانب الاخر من المؤامره الكونية بيتغاضي حكم مباراة الداخلية والزمالك عن احتساب هدف صحيح للداخلية ...
الهدف دا لو كان اتحسب ................ ولا كان هيفرق معانا احنا كدا كدا متصدرين ب تلاته وخمسين ...
بقلم
د. محمد انور
0 التعليقات:
إرسال تعليق