 |
| لقطة الهدف الرائع لسموحة |
لق
المكسب مش بالضرورة يكون معناه انك الافضل في كل شئ ... ممكن تكون بتكسب بدعوات الجماهير
الأهلي بيبدأ اللقاء باكرامي في حراسة المرمي ... ربيعة وحجازي .. فتحي ورحيل ... عاشور غالي ... السعيد مؤمن وليد ... تحت مهاجم وحيد مالك ايفونا ...استكمالا لسيناريو الماتش الي فات بيستمر الاداء دون مستوي الماتشات السابقة ... مفيش جمل بتتنفذ ... مفيش 4 او 5 تمريرات ورا بعض للاهلي بيكملو غير نادرا .... بطء في بناء الهجمات ... والنتيجة ولا هجمة منظمه واحده ولا تهديد علي مرمي سموحة .. شوط أول بدون عرضيات ... مالا يقل عن 8 تمريرات خاطئة من مالك ايفونا .... شوط للنسيان ...الأخطاء الدفاعية بتتكر الماتش ده كمان في سوء التمركز وسوء التغطية الدفاعية من الأجناب ... أسلام محارب مسجل 8 أهداف في الدوري منهم 4 في الأهلي فقط ... الكوره من البدايه كانت رمية تماس من علي اليمين ... بتتلعب طويله ... بيشترك حسام باولو هداف الدوري وأفضل مهاجمي مصر حاليا مع أطول لعيبه عندنا حجازي وحسام غالي ... الي بيقدر يلعب الكره من امامهم لاسلام محارب الخالي من الرقابة وبيسجل من مقصية رائعه لا ينافسها الا مقصية باسم مرسي ...الشئ الجميل في الماتش ان مع تقدم الوقت الاهلي كان بيتحسن في الاداء وكذلك اللعيبة ... مالك ايفونا اتحسن وقدر يعمل أسيست رائع بعد مراوغه ناجحه بنتعادل بيها ... وبيتسبب في ركلة جزاء الخطأ فيها واضح لكن الاختلاف علي مكان الخطأ ... بيسجل منها السعيد ... السعيد هداف الاهلي في الفترة الاخيرة ..علامة استفهام كبيرة علي مستوي مؤمن زكريا ... مؤمن كان سئ دفاعيا وهجوميا .. ودا كان السبب أيضا في ظهور صبري رحيل بمستوي متدني في معظم الاوقات ... لا يشفع لمؤمن الا هدفه الذى أنهي المباراة ... غياب رمضان صبحي كان مؤثر جدا ... رمضان في أسوأ حالاته بيشغل الدفاع وبيعمل مفاجات بتربك المدافعين ...الجيل ده من اللعيبة مع مدرب كويس ممكن يكون استكمال لمسيره نجاح وبطولات ....اشراك لعيبه زي صالح جمعه وعمرو السوليه مهم جدا هنحتاجهم اكيد في مركز اساسي يوما ما .... وحسين السيد وأحمد الشيخ يستحقو الفرصة ... وليد سليمان واحد من جيل عظماء لعب جنب تريكة وبركات ... بيأكد دايما انو لاعب علي مستوي وجدير بالاحترام ...ممكن تكسب الدوري بالاداء ده ... ممكن جدا ... بس طوحنا اعلي ... اكيد هتوصل لماتش بتقابل فيه فريق كبير ... وساعتها هتتقلب الطاوله علينا ... لازم المكسب يصاحبه أداء نستخق عليه الفوز ...
بقلم
د.محمد انور
0 التعليقات:
إرسال تعليق