فوز ورا فوز بيقربنا للبطوله المفضله الي بناخدها باقل مجهود الا في القليل من المناسبات ... الاهلي بيبدا اللقاء بالطريقه التقليدية 4231 باكرامي في حراسة المرمي .. خد الدفاع ربيعه نجيب فتحي صبري رحيل .. ارتكاز عاشور وغالي ... السعيد ومؤمن ورمضان تحت مهاجم وحيد مالك ايفونا ... بيواصل الاهلي التالق والابداع ولعب الكوره السريعه وتناقل الكره بسلاسه بين وسط الملعب والهجوم ... لكن مازالت اللمسة الاخيره بتغيب كثيرا ... الامر الي في بعض الاحيان بيكلفنا نقاط كان ممكن نكسبها بسهولة ... وسط الملعب كان بتاعنا وفارضين عليه السيطره وسط غياب فرقه الانتاج ... الانتاج من الفرق الكويسه ودليل علي كده انها كسبت الزمالك بعشر لعيبه بنتيجة 3-1.. وطبعا
الفضل ينسب للتحكيم مثلا او ضربة جزاء متحسبتش او فاول عكسي في منتصف الملعب ..،
مارتن يول كمدرب عالمي بدا يفهم اللعيبة ويعرف مستواهم ... ويحدد احتياجاته من كل لاعب ... وامتي ينزله .. والدليل ان تغييراته بدات تبقي بدري عن الماتشات الي فاتت ... تاني حاجه ان التغييرات بقت مهمه جدا وفعاله ...
نزول وليد سليمان وانطوي غير مجري اللعب تمام وكان وليد سبب الهدف الاول وانطوي بيسجل هدف تاني بقذيفه راسيه لا تصد ولا ترد وغالبا امير عبد الحميد تقريبا كان ناوي يفوتها برضو اصلو اهلاوي ....
انطوي شكله ناوي علي حجز مكان اساسي او علي الاقل التواجد بقوه في الفترة المقبله .. من خلال مشاركاته المؤثره .. ماتش اسوان كان سبب مباشر في الهدف الرابع وانهارده كمان بيسجل هدفه التاني بعد هدف الاتحاد ...
انطوي بيشمل محطه انتقاليه للاعبي المنتصف بينزل لنصف الملعب وياخد مدافع معاه ويفتح الطريق لرمضان او مؤمن او وليد للاختراق بسهوله لمرمي المنافس ...
عبدالله السعيد بيعيش افضل ايامه ... عبدالله احد عوامل نجاح الكره الجميلة في الاهلي ... ركيزه اساسيه صعب اي لاعب يقعده علي الدكه ... ومن جاور السعيد يسعد ...
وليد سليمان من رائحه جيل العظماء ... واحد لعب مع تريكه ورفاقه واخد معاهم بطولات .. لازم يكون جامد طبعا ...
ماتش ورا ماتش وفوز ورا فوز بيضاف لرصيد النقاط ورصيد مارتن يول في قلوب الاهلويه ... كان نفسنا يكون فوز باكتر من كده في زكري معركه 6-1 التي لا تنسي ...بقلم
د.محمد انور
0 التعليقات:
إرسال تعليق