 |
| الاهلى واسوان |
بعد تخلي المؤامرة الكونية و الدواعي الأمنية عن الاهلي في مباراة وادي دجلة ... الأمر الذى ادي لانتشار الحرائق علي مستوي بر مصر واصطدام احد اقمار المشتري بيه ادي الي خلل كوني كبير ... بتعود لتسانده بقوة ليتفوق برياعية علي أسوان العنيد ....
الاهلي بيبدأ اللقاء باكرامي في حراسة المرمي ... خط الدفاع احمد فتحي ربيعة حجازي صبري رحيل ... حسام عاشور والكابيتانو ... عبدالله مؤمن رمضان مالك ايفونا ...
الخطه التقليديه للاهلي 4 2 3 1 ... الطريقه الكلاسيكيه والتي اصبحت كتير من فرق العالم تلعب بها ... كانت بتتغير في بعض الاحيان ل 4 2 2 2 بتقدم مؤمن زكريا كمهاجم تاني بجوار مالك ايفونا ... او عبدالله السعيد ... مع تحرر حسام غالي في كثير من الاحيان ونشوفه مره في الشمال او اليمين او بيدافع جنب عاشور او بيساند الهجوم جنب عبدالله السعيد .. لتتحول الخطة 4 1 2 2 1 ....
الامر الي احدث تنوع هجومي كان كفيل ان الشوط الاول ينتهي بثلاثية ... هدف بالرأس من عرضية متقنه علي طريقه فتحى بيسجلة ربيعه ... وبيعود مالك ايفونا للتسجيل بعد غياب ثم بينهي عبدالله الشوط الاول بالثلاثية ..
أسوان من الفرق التي تلعب كوره هجومية وبتفتح الملعب ... لذلك الاهلي كان قاسي عليهم بالهدف الرابع الي قتل الماتش ..
افضل ما في الماتش هو العلاج السريع للاخطاء الي حصلت في ماتش دجلة ... ربيعة بيعلن عن نفسه من جديد .. فتحي بيعود لمستواه ... رمضان بيتخلي عن فرديته وبيلعب مع الفرقه وعاد لدوره المؤثر ... ايفونا بيبدا في استغلال قدراته خاصة السرعه ... بيعود جون انطوي للملعب ... جون انطوي ممكن يكون ليه ظهور مؤثر خاصة وهو من مهاجمي الصندوق ...
مباراة كانت جميلة من الجانبين ... والاهلي ادي مباراة رائعة لدرجه استفزت النادي الابيض علشان يخرج علينا بتصريحات ان الماتش متفوت من عماد النحاس كما فعل فتحي مبروك من قبله ...
امال اخبار ولاد العم ايه .. حد فاكر جون باسم مرسي في الاسماعيلي الي جابو في ييجي ربع ساعة كدة ...
تدارك الاخطاء السريع من شيم الابطال .. وكل متكسب المنافسين هيحقدو عليك ... وربنا يخلي لنا المؤامرة الكونية و الدواعي الأمنية ... الي كسبتنا بطولات كتير وخلتنا نادي القرن ..
بقلم
د. محمد انور
0 التعليقات:
إرسال تعليق